الْيَوْمَ أُحِلَّ لَكُمُ الطَّيِّبَاتُ ۖ وَطَعَامُ الَّذِينَ أُوتُوا الْكِتَابَ حِلٌّ لَكُمْ وَطَعَامُكُمْ حِلٌّ لَهُمْ ۖ وَالْمُحْصَنَاتُ مِنَ الْمُؤْمِنَاتِ وَالْمُحْصَنَاتُ مِنَ الَّذِينَ أُوتُوا الْكِتَابَ مِنْ قَبْلِكُمْ إِذَا آتَيْتُمُوهُنَّ أُجُورَهُنَّ مُحْصِنِينَ غَيْرَ مُسَافِحِينَ وَلَا مُتَّخِذِي أَخْدَانٍ ۗ وَمَنْ يَكْفُرْ بِالْإِيمَانِ فَقَدْ حَبِطَ عَمَلُهُ وَهُوَ فِي الْآخِرَةِ مِنَ الْخَاسِرِينَ
ഇന്നേ ദിവസം പരിശുദ്ധമായ വസ്തുക്കളെല്ലാം നിങ്ങള്‍ക്ക് അനുവദിക്കപ്പെ ട്ടിരിക്കുന്നു, വേദം നല്‍കപ്പെട്ടവരായവരുടെ ഭക്ഷണവും നിങ്ങള്‍ക്ക് അനുവ ദനീയമാണ്, നിങ്ങളുടെ ഭക്ഷണം അവര്‍ക്കും അനുവദനീയമാണ്, വിശ്വാ സിനികളായ ചാരിത്ര്യവതികളെയും നിങ്ങള്‍ക്കുമുമ്പ് വേദം നല്‍കപ്പെട്ടവരി ല്‍ നിന്നുള്ള ചാരിത്ര്യവതികളെയും; നിങ്ങള്‍ അവര്‍ക്കുള്ള വിവാഹമൂല്യം ന ല്‍കുകയാണെങ്കില്‍! വ്യഭിചാരമാകുന്ന മ്ലേച്ഛവൃത്തിയില്‍ ഏര്‍പ്പെടാതെ പാതിവൃത്യം സൂക്ഷിക്കാന്‍ വേണ്ടിയും ജാരസന്താനങ്ങളെ തെരഞ്ഞെടുക്കാതിരിക്കാന്‍ വേണ്ടിയും, ആരെങ്കിലും വിശ്വാസത്തെ മൂടിവെച്ചാല്‍ അപ്പോള്‍ നിശ്ച യം അവന്‍റെ പ്രവര്‍ത്തനങ്ങളെല്ലാം നിഷ്ഫലമായി, അവന്‍ പരത്തില്‍ എല്ലാം നഷ്ടപ്പെട്ടവരില്‍ പെട്ടവനുമായിരിക്കും.
മനുഷ്യരെല്ലാം തന്നെ പരിശുദ്ധവും അനുവദനീയവുമായ ഭക്ഷണങ്ങള്‍ മാത്രമേ ഉപയോഗിക്കാവൂ എന്നാണ് പ്രപഞ്ചനാഥന്‍ പഠിപ്പിക്കുന്നത്. എന്നാല്‍ ആ കല്‍പന സ്വീകരിക്കുക വിശ്വാസികള്‍ മാത്രമാണ്. എല്ലാ ഓരോ സമുദായത്തിനും ഒരു പ്രവാചകനുണ്ടെന്ന് 10: 47 ല്‍ പറഞ്ഞിട്ടുണ്ട്. അതുകൊണ്ട് വേദം നല്‍കപ്പെട്ടവരില്‍ ജൂതക്രൈസ് തവര്‍ മാത്രമല്ല, എല്ലാ ജനങ്ങളും ഉള്‍പ്പെടുന്നതാണ്. വേദക്കാരുടെ ഭക്ഷണമാണെങ്കിലും ദൈവസ്മരണകൊണ്ട് അറുക്കപ്പെട്ട മൃഗങ്ങളുടെ മാംസം മാത്രമേ അനുവദനീയമാവു കയുള്ളൂ. 4: 29 ല്‍, പരസ്പരം തൃപ്തിപ്പെട്ട കച്ചവടത്തിലൂടെയുള്ള വരുമാനം നിങ്ങള്‍ക്ക് അനുവദനീയമാക്കിയിരിക്കുന്നു എന്നുപറഞ്ഞിട്ടുണ്ട്. വിശ്വാസികള്‍ക്ക് ചാരിത്ര്യവതികളായ വിശ്വാസിനികളെയും മുമ്പ് വേദം നല്‍കപ്പെട്ടവരില്‍ നിന്നുള്ള ചാരിത്ര്യവതികളെയും വിവാഹമൂല്യം നല്‍കി വിവാഹം ചെയ്യല്‍ അനുവദനീയമാണ്. വ്യഭിചാരക്കുറ്റ ത്തിലേക്ക് പോകാതിരിക്കാനും ജാരസന്താനങ്ങള്‍ ഉണ്ടാകാതിരിക്കാനും ആ സ്ത്രീ കള്‍ക്ക് വിവാഹത്തിന്‍റെ സംരക്ഷണം നല്‍കാനും ലക്ഷ്യം വെച്ചുകൊണ്ടായിരിക്കണം അത്. വിവാഹം കഴിക്കുമ്പോള്‍ ഭാര്യ വിശ്വാസിയായിരിക്കണമെന്ന നിബന്ധനയില്ല; എന്നാല്‍ 66: 6; 39: 15; 42: 45 എന്നീ സൂക്തങ്ങളനുസരിച്ച് വിശ്വാസിയായ പുരുഷന്‍റെ ബാധ്യതയാണ് മുഹൈമിനായ അദ്ദിക്ര്‍ ഉപയോഗപ്പെടുത്തി ഭാര്യയെയും കുട്ടികളെയും നരകത്തെത്തൊട്ട് തടയല്‍. പുരുഷന്‍മാര്‍ സ്ത്രീയുടെ നിയന്ത്രാതാക്കളാണെന്ന് 4: 34 ല്‍ പറഞ്ഞിരിക്കെ പുരുഷന് ആത്മനിയന്ത്രണം പാലിച്ച് സ്ത്രീയുടെ വികാരം ശമിപ്പിക്കുവാന്‍ കടമപ്പെട്ടവനാണ്. അതുവഴി അവളുടെ വിശ്വാസം യഥാര്‍ത്ഥ വിശ്വാസമാക്കി മാറ്റാന്‍ പുരുഷന് സാധിക്കുന്നതാണ്. എന്നാല്‍ വിശ്വാസിയല്ലാത്ത പുരുഷന് ഈ ഉത്തരവാദിത്തങ്ങളൊന്നും ശ്രദ്ധിക്കാതെ അവനോടൊപ്പം ഭാര്യയെയും കുടുംബാംഗങ്ങളെയും നരകത്തിലേക്കാണ് കൊണ്ടുപോവുക എന്നതിനാല്‍ വിശ്വാസികളല്ലാത്ത പുരുഷന്‍മാര്‍ക്ക് വിശ്വാസിനികളെ വിവാഹം ചെയ്തുകൊടുക്കല്‍ അനുവദനീയമല്ല. അല്ലാഹുവിന്‍റെ അധികാരാവകാശങ്ങളില്‍ പങ്കുചേര്‍ക്കുകയാണെങ്കില്‍ നിന്‍റെ പ്രവര്‍ത്തന ങ്ങള്‍ പാഴായിപ്പോവുകയും നീ എല്ലാം നഷ്ടപ്പെട്ടവരില്‍ പെട്ടവനായിത്തീരുകയും ചെയ്യുമെന്ന് 39: 65 ല്‍ പറഞ്ഞിട്ടുണ്ട്. വിശ്വാസം വര്‍ദ്ധിക്കാനുള്ള ഉപകരണമാണ് അദ്ദിക് ര്‍ എന്ന് 8: 2 ല്‍ പറഞ്ഞിട്ടുള്ളതിനാല്‍ അതിനെ മൂടിവെക്കുന്നവരും തള്ളിപ്പറയുന്നവരു മായ ഫുജ്ജാറുകളാണ് പ്രപഞ്ചനാഥനെക്കൊണ്ടുള്ള വിശ്വാസവും പരലോകം കൊണ്ടുള്ള വിശ്വാസവും ഇല്ലാത്ത 4: 150-151 ല്‍ പറഞ്ഞ യഥാര്‍ത്ഥ കാഫിറുകള്‍. 2: 221 ല്‍ വിവരിച്ച പ്രകാരം മുശ്രിക്കുകളായ അവരില്‍ നിന്നുള്ള സ്ത്രീകളെയോ പുരുഷന്മാരെയോ വിവാഹം ചെയ്യല്‍ വിശ്വാസിക്ക് അനുവദനീയല്ല. അദ്ദിക്ര്‍ അണപ്പല്ലുപയോഗിച്ച് കടി ച്ചുപിടിച്ച് നിലകൊള്ളേണ്ട ഇക്കാലത്ത് വിശ്വാസികള്‍ മര്‍യമിനെയും ആസ്യയേയും മാതൃകയായി സ്വീകരിച്ചുകൊണ്ട് അവിവാഹിതരായി നിലകൊള്ളുകയാണ് വേണ്ടത്. 2: 121; 4: 137-140; 8: 22 വിശദീകരണം നോക്കുക.